A experiencia educativa deste colexio público vasco resulta de grande interese, pois fomenta a aprendizaxe individualizada desde o momento no que é o alumnado quen escolle a temática na que quere profundizar, máis non fomenta o individualismo como tal, nin a competitividade. Cada discente é libre e particular, mais tamén está exposto ás liberdades e particularidades do resto e debe aprender xa desde a escola a vivir en diversidade para poder desenvolverse en sociedade sendo respetuoso e tolerante.
Por outra banda, di Elena Guerrero, asesora de Rede Amara Berri, que "a escola non é nada diferente da vida. Na vida, as cousas non se aprender parceladas, apréndense en situacións. Se pretendemos entón que a escola sexa vida, a escola ten que posibilitar [...] que vivindo poidamos aprender". Esta é unha das partes máis innovadoras (e, na miña opinión, máis importantes) da metodoloxía deste centro, pois os alumnos aprenden en base a contexto sociais de significado a través de actividades vitais e as materias están relacionadas, lonxe do parcelamento do coñecemento tan propio do sistema educativo tradicional.
Comments
Post a Comment